 |
| Xan Cerqueiro e Bieito Romero (Luar na Lubre) |
Os músicos Xan Cerqueiro (Flauta) e Bieito Romero (Gaita) visitaron o Centro de Estudos Galegos de Cáceres para realizar unha conferencia-concerto sobre a música tradicional galega.
Perante o público universitario os músicos interpretaron diversas pezas do patrimonio musical galego (Muiñeiras, carballesas, jotas, cantigas de entroido, pasodobles, rumbas, polkas...) e da banda da que ambos forman parte, Luar na Lubre.
O alumnado de literatura galega e de historia da Galiza desta facultade terá desfrutado especialmente coa interpretación da Cantiga de Santa María número 35 [Afonso X] e coa Antiga Marcha do Reino da Galiza. Desta última deixamos, a seguir, testimonio audiovisual:
 |
| Fai click na imaxe para reproducir o vídeo |
Con esta actividade o Centro de Estudos Galegos de Cáceres fecha a programación do primeiro semestre de 2013. Mesmo así, continuaremos ofrecendo nesta páxina outros fragmentos do concerto así como de anteriores palestras organizadas polo CEG.
No hay comentarios:
Publicar un comentario