Literatura galega para danzar: Son de poetas

O alumnado do IES David Buxán de Cambre subiu á rede unha antoloxía poético-musical da literatura galega. Xa podes escoitar os poemas de Rosalía de Castro a ritmo de Heavy Metal ou rapear con versos de Celso Emilio Ferreiro!

Letras Galegas 2011: 'Vida e obra de Lois Pereiro', palestra e exposición gráfica

Alberto Pombo

Alberto Pombo, profesor na Universidad de Extremadura e responsábel do Centro de Estudos Galegos de Cáceres, ofrecerá unha conferencia sobre a figura do poeta monfortino Lois Pereiro, homenaxeado neste ano 2011 co día das Letras Galegas.

Conferencia: 'A poesía galega entre 70 e 80: A poética de Pilar Pallarés'

Emilio Cambeiro

Continuando a xeira de actividades programadas en base ao programa da disciplina de Literatura Galega ofertada na Universidade de Cáceres, o Centro de Estudos Galegos (CEG) desta cidade organizou unha conferencia na que se tratará a obra poética da autora galega Pilar Pallarés. A conferencia será proferida polo profesor Emilio Cambeiro, quen exerce a docencia na Universidade Nova de Lisboa e quen, ademais, ten dedicado boa parte das súas investigacións á obra da poeta referida.  

'Literatura e sociedade no tempo das irmandades da Fala', conferencia de Xosé María Dobarro

Xosé María Dobarro Paz

Xosé María Dobarro Paz, Catedrático de Filoloxía Galega e Portuguesa, é un dos maiores vultos de sempre no estudo da literatura galega. Celebrado no campo da investigación, na actualidade o profesor Dobarro exerce a docencia de literatura galega na Universidade da Coruña.  

'Da literatura oral á poesía popular da Galiza', conferencia-concerto de Mini e Mero

Mini e Mero

Xosé Luis Rivas Cruz (Mini) e Baldomero Francisco  Iglesas Dobarrio (Mero) son dúas figuras senlleiras dentro e fora do panorama cultural galego.  

'Literatura galega e sexo', conferencia de Antonio I. Mira

Antonio I. Mira

Antonio Iglesias Mira, profesor lector na Universidade de Faro (Portugal) ministrará dúas conferencias sobre literatura galega e sexualidade nos días 15 e 16 de decembro.

'Conceitos sociolingüísticos e o caso galego', conferencia de Maurício Castro

Maurício Castro

Após as recentes palestras de Diego Bernal, María do Cebreiro e Jasmina Rodrigues, e para ir fechando os actos programados para este ano 2010, o Centro de Estudos Galegos da Universidade de Cáceres organiza unha nova palestra. Desta vez contaremos co profesor Maurício Castro, licenciado en filoloxía galego-portuguesa e docente desta lingua na Escola Oficial de Idiomas de Ferrol.