O Apalpador, normalizando a tradición

O Apalpador

O Apalpador (ou Pandigueiro) é unha figura lendaria do natal galego cuxa tradición pervive aínda nas zonas de Sarria, Courel, o Cebreiro ou Terra de Trives. No ano 2006, o Portal Galego da Língua publicaba un traballo de José André Lôpez Gonçâlez no que se iniciaba a recuperación deste máxico e xigante carboeiro.

Madrith. Relato de Sechu Sende

Sechu Sende

Con motivo das aulas dedicadas ao apartado de sociolingüística traballamos nas aulas con diferentes textos e autores. Ofrecemos, a seguir, un relato do escritor Sechu Sende publicado na obra Made in Galicia, libro distinguido en 2007 co premio Anxel Casal á mellor obra do ano en lingua galega.

Prexuízos lingüísticos e prexuízos raciais

No ano 2011, durante un programa de televisión autodenominado como o maior experimento sociolóxico da súa época, unha concursante galega deixa ver diversos fenómenos que se estudan desde os campos da sociolingüística e da psicoloxía como o auto-odio, a construción do poder social a través da lingua ou o racismo lingüístico.

Galiza e os galegos na literatura española do século de ouro

Polo seu interese académico ofrecemos, a seguir, un traballo do profesor Miguel Ángel Teijeiro Fuentes, profesor de literatura española na Universidade da Estremadura. O traballo, que continúa a liña do 'Galicia vista por los no gallegos' publicado en 1974 por Xesús Alonso Montero, foca o seu punto de atención na produción literaria española dos séculos XVI e XVII.

A memoria da lingua

A memoria da lingua, 2010

Entre os diferentes materiais visionados na aula proxectamos o documentario 'A memoria da lingua', para reflexionar arredor da lingua baixo as percepcións dos seus protagonistas, as e os que falan galego.

Linguas cruzadas

Linguas cruzadas

Nas aulas dedicadas á sociolingüística galega, dentro do apartado 'O galego e a mocidade' no que tamén analizamos a cuestión imagolóxica artellada arredor da lingua galega, visionamos o documentario Linguas cruzadas analizando as actitudes e aptitudes lingüísticas da xuventude galega.

Conferencia do profesor Anselmo L. Carreira no 'Congreso 1600 anos do Reino da Galiza'

Anselmo López Carreira

 

Con motivo das aulas dedicadas ao apartado de historia recomendamos a visualización da ponencia do profesor Anselmo López Carreira no 'Congreso 1600 anos do Reino da Galiza', desde a que se fai un percorrido polos feitos mais destacados do Reino Suevo da Galiza, así como dos motivos do seu ocultamento por parte da visión historiográfica hispanicista mais tradicional.

Conferencia de Alberto Pombo na Universidade de Salamanca: Imagoloxías arredor da lingua galega

Alberto Pombo

 

O lectorado de galego da universidade de Salamanca, do que é responsábel o profesor Xulio Carballo, convida o profesor Alberto Pombo para proferir unha conferencia sobre os conceptos imagolóxicos artellados por volta da lingua galega. Por esta razón, as aulas previstas para os días 6 e 7 de novembro ficarán adiadas. 

Onde o mundo se chama Galiza

Xosé Barato

Historias de Galicia é un programa da CRTVG desde o que se realizan diversos percorridos pola historia da Galiza desde unha perspectiva divulgadora e pedagóxica. 

Ülträqänïzändo Cáceres, segunda parte!

ülträqäns

Por segunda vez neste ano a banda galega de speed-folk Ülträqäns visitará Cáceres. A cita terá lugar na sala 'El Corral de las cigüeñas' no próximo sábado día 19 de maio ás 18h00 (Entrada gratuíta até completar aforo)

Conferencia de Alberto Pombo en Lisboa: Literatura galega e canto de intervención

Alberto Pombo

Con motivo do convite do Centro de Estudos Galegos de Lisboa, no día 3 de maio, o profesor Alberto Pombo ofrecerá unha conferencia na Universidade Nova de Lisboa sobre as relacións entre Literatura e música de intervención no caso galego.

Conferencia-concerto de Bieito Romero en Cáceres

O músico galego Bieito Romero, membro do celebrado grupo Luar na Lubre, proferirá unha conferencia-concerto no próximo mércores día 2 de maio por convite do Centro de Estudos Galegos de Cáceres. 

Conferencia de Carlos Taibo en Cáceres: 'Sobre o nacionalismo español'

Carlos Taibo

O escritor e profesor Carlos Taibo (Universidad Autónoma de Madrid), proferirá unha palestra na Faculdade de Filosofía e Letras de Cáceres por convite do Centro de Estudos Galegos desta cidade. 

Cursos de verán de lingua e cultura galegas para estranxeiros

Curso da Coruña (2011) Na foto, 5 alumnas da Universidade de Estremadura

Xa están abertos os prazos de inscrición nos cursos de verán de lingua e cultura galegas para estranxeiros/as organizados polas universidades de Santiago de Compostela e da Coruña, en colaboración coa Secretaría Xeral de Política Lingüística.

Congresso: Nacionalismos e pós-nacionalismos

O Centro de Estudos Galegos da Universidade de Cáceres, en colaboración coa Área de Filoloxías galega e portuguesa da Uex, LEPOLL, CILEM, FEDER, Xunta de Galiza, Gobierno de Extremadura e o Programa de Cooperación Transfronteriza España-Portugal, organiza unha nova actividade dirixida ao público universitario.

Cáceres Ülträqänizado!

Os máis cans de todos os cans chegaron a Cáceres con ansias de trabar e facer danzar os presentes co mellor do seu espectáculo.

A historia de ser mulleres (Crtvg, 2007)

Pintura do autor galego Leandro Lamas

No pasado 8 de marzo reivindicamos o Día internacional da muller traballadora nas aulas de Historia e cultura galegas. Para isto, detivémonos na análise da produción literaria da poeta galega Rosalía de Castro, promotora e abandeirada do feminismo radical.

O lapis do carpinteiro, filme completo

O lapis do carpinteiro (1998) é o título dunha das obras máis celebradas do escritor e académico galego Manuel Rivas. Baixo a dirección de Antón Reixa a novela virou filme no ano 2003 e conseguindo, nese mesmo ano, diferentes premios Mestre Mateo: Mellor longametraxe, mellor interpretación masculina (Luís Tosar) e mellor actriz de reparto (María Pujalte).

Os Ülträqäns, os máis cans de todos os cans chegan a Cáceres

Ülträqäns

No próximo domingo 18 de marzo tedes unha cita cos máis cans da música galega no bar El Corral de las cigüeñas de Cáceres.

No centenario de Celso Emilio Ferreiro, desde Cáceres

As alumnas de Literatura Galega da Faculdade de Filosofía e Letras de Cáceres (Estremadura) renden homenaxe ao poeta Celso Emilio Ferreiro con motivo do 100º aniversario do seu nacemento e do 40º da publicación da obra 'Longa noite de pedra'. Esta lectura conxunta forma parte dunha serie de actividades de colaboración con outras entidades, neste caso: 'Radio Cadena Ser Lugo'. 

Novo horario das materias do segundo cuadrimestre Historia e Cultura Galegas e Literatura Galega. Fai clic na imaxe para ampliar.

'Celso Emilio Ferreiro no contexto da canción protesta', conferencia de Xosé M. Dobarro

Xosé María Dobarro

O catedrático de Filoloxía Galega Xosé María Dobarro, da Universidade da Coruña, ofrecerá unha conferencia na Universidade de Cáceres por convite do Centro de Estudos Galegos desta casa.

'A relevancia dos escritores finiseculares. A denominada Escola Coruñesa', conferencia de Isabel Seoane

Isabel Seoane

A doutora Isabel Seoane, profesora de lingua e literatura galega no IES de Mugardos e especialista no campo literario galego dos séculos XIX e XX ofrecerá unha conferencia na Universidade de Cáceres no próximo xoves día 23 de febreiro.

‘Linguas minorizadas e modelos de intervención. O caso galego’, conferencia de Maurício Castro

Maurício Castro

O profesor Maurício Castro, da Escola de Idiomas de Ferrol, visitará o Centro de Estudos Galegos de Cáceres para falar sobre o panorama internacional das linguas minorizadas con especial focaxe para o caso galego. 

‘Principios de onomástica galega’, conferencia de Diego Bernal

Diego Bernal

Diego Bernal, profesor lector na Universidade Estadual do Rio de Janeiro, ofrecerá unha conferencia arredor da orixe etimolóxica dos apelidos galegos e a presenza dos mesmos dentro e fora do marco galego. 

Cinema: Pradolongo (2008)

Pradolongo é un filme galego, estreado no ano 2008 e rodado na comarca de Valdeorras reproducindo con rigor e fidelidade os trazos dialectais da comarca. 

Antoloxía da música galega actual: Ei carballeira!

Heredeiros da Crus

O 'ei carballeira!' é un de tantos berros que chaman para comezar a festa. Coas novas tecnoloxías este aviso chégavos por medio das seguintes ligazóns que vos permitirán mergullarvos nun océano de músicas versexadas orgullosamente en lingua galega. Con representación dos máis diversos estilos como o metal, o rock, o pop, o folque, o ska, o reggae, o hip-hop ou o jazz, entre outros xéneros, esta antoloxía é só un mínimo exemplo do amplo leque de bandas galegas en activo. 

Partilla e difunde!